Gonsalo Garsiya XXI asrda "Real"da Rud van Nistelroyning yutug'ini takrorladi

"Real" hujumchisi Gonsalo Garsiya Torres Ispaniya La Ligasining 18-turida "Betis"ga qarshi o'yinda (5:1) xet-trik qayd etib, mashhur sobiq hujumchi Rud van Nistelroyning Madrid grandi tarkibida XXI asrda erishgan eng noyob natijasini takrorladi.

Opta Sport statistik portali xabariga ko'ra, Gonsalo Garsiya La Ligada "qaymoqranglilar" safida ilk bor debyut o'yinida xet-trik qayd etgan "Real"ning XXI asrdagi ikkinchi futbolchisi bo'ldi. Bungacha van Nistelroy 2006 yilning sentyabrida "Levante"ga qarshi o'yinda (4:1) bunga erishgan edi.

Joriy mavsumda 21 yoshli Gonsalo Garsia Torres "Real" safida jami 18 ta o'yinda (418 daqiqa) maydonga tushdi va o'z hisobiga 3 ta gol hamda 1 ta golli uzatma yozdirib qo'yishga erishdi.