Alonso Gonsalo Garsiyaning "Betis"ga qarshi o'yindagi xet-trigiga munosabat bildirdi

Madridning "Real" klubi bosh murabbiyi Xabi Alonso La Liga 18-turidan o'rin olgan "Betis"ga (5:1) qarshi o'yinda xet-trik qayd etgan jamoasi hujumchisi Gonsalo Garsiya Torres haqida gapirdi.

"Bu Gonsalo uchun orzudagi o'yin edi. Asosiy jamoadagi ilk mavsumida "Bernabeu"da o'ynash va xet-trik qayd etish - kamdan-kam holat. Men u uchun va u o'ynaydimi yoki yo'qligidan qat'i nazar, uning kundalik ishi uchun juda xursandman. U akademiyamiz tarbiyalanuvchisining ajoyib namunasi va men uni bunday o'yin bilan tabriklayman. Men uni shu ruhda davom etishga chaqiraman.

Zamonaviy futbol to'psiz jamoaviy ishlashni talab qiladi. Hujumchilar pressingni qanday boshlashlari muhim, bu yuqori pressing yoki boshqa o'zaro ta'sir bo'lishidan qat'i nazar - Gonsalo buni juda yaxshi tushunadi. U ajoyib tezlikka ega va agar bunga uning to'purarlik qobiliyati, shuningdek, himoyaviy mahorati qo'shilsa, u har doim jamoa natijalarini yaxshilashga hissa qo'shadi," - deya Alonsoning so'zlarini keltiradi beIN Sports.