Muslera: "Ronaldu jahon chempionatida g'alaba qozona olmaydi, Messi - eng yaxshisi"

Urugvay terma jamoasining sobiq darvozaboni Fernando Muslera bo'lajak jahon chempionati doirasida Krishtianu Ronaldu va Lionel Messi haqida fikr bildirdi.

2026 yilgi mundial katta ehtimol bilan har ikki yulduz hujumchi faoliyatidagi so'nggi yirik turnir bo'ladi. Portugaliyalik yaqinda 41 yoshga to'ladi, argentinalik esa iyun oyida 39 yoshni qarshilaydi.

"Men Urugvay, Argentina va Ispaniyani g'alaba uchun nomzodlar deb bilaman. Braziliya - bir pog'ona past. Krishtianu Portugaliya bilan jahon chempionligini qo'lga kirita olmaydi, deb o'ylayman. Unga ham, Messiga ham qarshi o'ynadim - hissiyotlar umuman boshqa-boshqa. Menga bu kichkina yigitcha ko'proq yoqadi. Leo allaqachon jahon chempioni bo'lgan va umid qilamanki, abadiy eng yaxshi bo'lib qoladi," - deya Musleraning so'zlarini keltiradi ESPN.