"Liverpul" vingeri Kezaga uchta klub qiziqmoqda

Qishki transferlar mavsumi Federiko Kezaning Italiyaga qaytishi haqidagi mish-mishlarsiz o'tmayapti. Vinger "Liverpul"ning asosiy tarkibiga kira olmayapti, shuning uchun u A Seriyada yana bir bor kuchini sinab ko'rishdan mamnun bo'ladi.

Jurnalist Ekrem Konurning yozishicha, 28 yoshli futbolchini Milanning "Inter" klubi o'z safiga qo'shib olish imkoniyatini ko'rib chiqmoqda, shuningdek, "Yuventus" va "Atalanta" ham kurash olib bormoqda.

Transfermarkt portali Federiko Kezaning hozirgi qiymatini 18 mln evroga baholamoqda, italiyalikning amaldagi shartnomasi 2028 yilning yarmigacha mo'ljallangan. Futbolchi 2024 yilning avgustida "Yuventus"dan "Liverpul" safiga qo'shilgandi.