Peres "Real"ning yosh forvardi bilan faxrlanadi

Madridning "Real" klubi prezidenti Florentino Peres hujumchi Gonsalo Garsiyaning o'yinidan hayratda.

21 yoshli futbolchi La Liga doirasida "Betis"ga qarshi o'yinda (5:1) xet-trik qayd etishga muvaffaq bo'ldi. "Qirollik klubi" rahbari Peres mahalliy akademiya tarbiyalanuvchisining muvaffaqiyatidan faxrlanmoqda, deb xabar bermoqda jurnalist Fabritsio Romano. Klublar o'rtasidagi jahon chempionatida yorqin o'yin ko'rsatgan yosh ispaniyalik yozda ketishi mumkin edi, ammo "Real" istiqbolli hujumchi bo'yicha takliflarni ko'rib chiqishni xayoliga ham keltirmadi.

Gonsalo Garsiya joriy mavsumda "Betis"ga qarshi o'yingacha gol ura olmadi - u Mbappe bilan raqobat tufayli kam o'yin amaliyotiga ega bo'ldi.