"Al-Ahli" braziliyalik iqtidorli hujumchi transferini e'lon qildi

Saudiya Arabistonining "Al-Ahli" futbol klubi 19 yoshli braziliyalik hujumchi Rikardo Matias da Silva bilan shartnoma imzolashni yakunladi. Avvalroq, Matias o'z vatanida "Internasonal" sharafini himoya qilgan.

Shartnoma 2030 yilgacha mo'ljallangan bo'lib, yangi kelgan futbolchi 99-raqamli futbolkani kiyadi. Uning bo'yi 192 sm bo'lib, u yuqori to'plarda ustunlikka ega, shuningdek, klubda uning hujumlarni yakunlashdagi ajoyib mahorati, jarima maydonchasida aqlli harakatlanishi e'tirof etilgan.

Futbolchi 2023 yilda Janubiy Amerika U17 chempionati va 2025 yilda Janubiy Amerika U20 chempionatida g'olib chiqdi. 2025 yilda hujumchi klub miqyosida 28 ta o'yinda 6 ta gol urdi va 1 ta golli uzatmani amalga oshirdi.