Afrika millatlari kubogi. Marokash terma jamoasi Tanzaniyani mag'lub etib, chorak finalga chiqdi

Afrika millatlari kubogining 1/8 final bosqichi doirasida Marokash va Tanzaniya terma jamoalari o'rtasidagi uchrashuv yakunlandi. Jamoalar Rabot shahridagi «Prints Mula Abdulla» stadionida (Marokash) maydonga tushdi. Uchrashuvda Marokash terma jamoasi minimal hisobda g'alaba qozondi — 1:0.

Uchrashuvdagi yagona golni 64-daqiqada Marokash terma jamoasi hujumchisi Braim Dias kiritdi.

2025 yilgi Afrika millatlari kubogi Marokashda bo'lib o'tmoqda. Musobaqada olti guruhga bo'lingan 24 ta milliy terma jamoa ishtirok etmoqda. Turnir 18 yanvarga qadar davom etadi. Afrika millatlari kubogining amaldagi g'olibi Kot-d’Ivuar terma jamoasi hisoblanadi — ular 2023 yilgi turnir finalida Nigeriyani 2:1 hisobida mag'lub etgan.

Afrika millatlari kubogi. 1/8 final
4 yanvar, yakshanba. 21:00
Marokash — Tanzaniya — 1:0
Gol: Braxim Dias (64)