Rrahmani uchun jamoaning g'alabasi muhimroq

Albaniyalik himoyachi Amir Rrahmani Rimda "Latsio" 2:0 hisobida mag'lub etilgan oqshomda "Napoli"ning gollaridan birini urdi.

Uchrashuvdan so'ng Rrahmani muvaffaqiyatli o'yin haqidagi his-tuyg'ulari bilan o'rtoqlashdi. 

"Men oxirgi marta gol urganimga bir yil bo'ldi va men juda xursandman. Lekin jamoaning g'alabasi bundan ham muhimroq.

Biz ketma-ket to'rtinchi o'yinda gol o'tkazib yubormasdan g'alaba qozondik - bu bizning himoyachi sifatidagi sa'y-harakatlarimiz haqida ko'p narsalarni anglatadi", - deya futbolchining so'zlarini keltiradi calcionapoli1926.it.