Fabritsio Romano o'tgan yozda Rodrigoga jiddiy qiziqish bildirgan ikki grand klub nomini ma'lum qildi

Insayder Fabritsio Romano Madridning "Real" klubi hujumchisi Rodrigoga bo'lgan qiziqish haqida gapirdi.

Braziliyalik futbolchini anchadan beri "qirollik klubi"dan ketishi bilan bog'lab kelishmoqda. Taniqli insayder yanvar oyida Rodrigo sotilishi mumkinligi haqidagi mish-mishlarni rad etdi, ammo futbolchiga qiziqish bo'lganini tasdiqladi.

"O'tgan yilning yozida "PSJ" Rodrigo bilan bog'liq vaziyatni kuzatib bordi va uni Barkolyaning o'rinbosari sifatida ko'rdi. "Manchester Siti"dan ham jiddiy qiziqish bor edi: Savio bilan xayrlashgan taqdirda Rodrigo nomzodi ko'rib chiqilayotgandi," - deydi Romano.

"Qaymoqranglilar"ning 24 yoshli futbolchisi transfermarkt portalida 60 mln evroga baholangan.