"Inter" Turin klubidagi futbolchisini qaytarib olishi mumkin

"Inter" Kristian Aslanini "Torino"dagi ijarasini muddatidan avval yakunlashi mumkin.

Albaniya terma jamoasi yarim himoyachisi avgust oyida Turin klubi tomonidan sotib olish huquqi bilan mavsum oxirigacha ijaraga olingan edi. Ma'lum bo'lishicha, 23 yoshli futbolchining ijarasi 1,5 mln evroga, sotib olish esa 12 mln evroga tushadi.

Insayder Fabritsio Romanoning ma'lum qilishicha, yanvar oyida futbolchi "Torino"ning asosiy futbolchisi emasligi sababli boshqa klubga ijaraga berilishi rejalashtirilgan. Tez orada qaror qabul qilinadi.

Joriy mavsumda Asslani A Seriyada 15 ta o'yinda maydonga tushdi.