"Napoli" "Manchester Yunayted" futbolchisini bir shart bilan sotib olishi mumkin

"Napoli" qishki transferlar davridayoq "Manchester Yunayted" yarim himoyachisi Kobbi Maynu variantiga qaytishi mumkin.

Football Italia xabariga ko'ra, neapolliklar 20 yoshli inglizni diqqat bilan kuzatishda davom etmoqda va uni maydon markazini kuchaytirishdagi asosiy maqsadlardan biri sifatida ko'rmoqda. Maynuga bo'lgan qiziqish bir necha oydan beri davom etmoqda. Shu bilan birga, kelishuv ehtimoli Noa Langning kelajagi bilan bevosita bog'liq. Agar vinger jamoani tark etsa, "Napoli"da Maynu transferi uchun zarur moliyaviy resurslar paydo bo'ladi.

Maynu bu mavsumda APLda 11ta o'yinda maydonga tushdi, biroq gol ura olmadi. Uning transfer narxi 40 million evroga baholanmoqda.