"Ishonchim komil emas": Fermin "Barselona"ning "Real"ga qarshi kurashdagi imkoniyatlarini baholadi

"Barselona" yarim himoyachisi Fermin Lopes La Liga chempionlik poygasi haqidagi savolga javob berdi.

Shanba kuni "ko'k-anorranglilar" "Espanol"ni mag'lub etib (2:0), 2-o'rindagi "Real" bilan oradagi farqni 7 ochkoga etkazdi. "Qaymoqranglilar"da bitta zaxira o'yini bor.

"Biz La Liga favoritimizmi? Ishonchim komil emas. Oldinda hali ko'p o'yinlar bor, ammo hozir yaxshi holatdamiz. Bizda "Real"dan ustunlik bor va bizning maqsadimiz - shu tempni saqlab qolish, ochko to'plashda davom etish," - dedi Fermin Kataloniya derbisidagi g'alabadan keyin bergan intervyusida.

Yakshanba kuni Madridning "Real" klubi o'z maydonida "Betis"ni qabul qiladi.