Kunde: "Biz Joan Garsiyaga bunchalik ko'p ish bo'lishini xohlamaymiz"

"Barselona" markaziy himoyachisi Jyul Kunde "Espanol"ga qarshi o'yindan (2:0) so'ng intervyu berdi.

Xans-Diter Flik jamoasi o'yin oxirida g'alabani ilib ketdi - 86 va 90-daqiqalarda Dani Olmo va Robert Levandovski gol urishdi. Maydon egalari bir necha bor golga yaqin keldi, biroq darvozabon Joan Garsiya bir necha bor "ko'k-anorranglilar"ni qutqarib qoldi.

"Juda qiyin bo'ldi. "Espanol" yaxshi, shiddatli va tartibli o'ynadi, xavfli qarshi hujumlar uyushtirdi. Yaxshiyamki, bizda bir nechta muhim seyvlarni amalga oshirgan Joan Garsiya bor. Zaxiradan maydonga tushgan futbolchilar ham yaxshi harakat qilishdi.

Ko'p narsani yaxshilash kerakligini tushunamiz. Biz Joanda bunchalik ko'p ishi bo'lishini istamaymiz," - dedi Kunde o'yindan keyingi intervyusida.

"Barsa" darvozaboni uchrashuvning eng yaxshi futbolchisi deb topildi.