Ramos "Sevilya"ni qanchaga sotib olishi mumkinligi ma'lum bo'ldi

Himoyachi Serxio Ramos xorijlik investorlar ko'magida "Sevilya"ni sotib olish taklifini bildirdi.

Ehtimoliy bitim qiymati 400 mln evroga baholanmoqda, deb xabar bermoqda jurnalist Gilermo Rai. 39 yoshli futbolchi loyihaning bosh investori bo'lmaydi, ammo aynan u loyihaning yuzi va jamoatchilik vakili bo'ladi. Manbaga ko'ra, ishda Amerika jamg'armasi ham ishtirok etmoqda.

"Sevilya"ning moliyaviy ahvoli og'ir: ayni damda klubning qarzlari taxminan 180 mln evroga baholanmoqda.

Serxio Ramos faoliyatini Andalusiya klubida boshlagan va u erdan 2005 yilda Madridning "Real" klubiga o'tgan. 2023 yilda futbolchi "Sevilya"ga qaytdi, ammo bir yildan so'ng yana ketdi.