Amorimning "Manchester Yunayted"dan iste'foga chiqarilishi mumkin bo'lgan sharti ma'lum

So'nggi vaqtlarda Angliya matbuotida Ruben Amorimning "Manchester Yunayted" bosh murabbiyligidan iste'foga chiqarilishi haqida yana gap-so'zlar tarqalmoqda.

"Qizil iblislar"ning mavsumdagi maqsadi evrokuboklarga yo'llanma olish ekani klubda doim aytib kelinadi. Jurnalist Saymon Stounning so'zlariga ko'ra, agar bu vazifa hal etilmasa, portugaliyalik mutaxassis jiddiy muammolarga duch keladi. Katta ehtimol bilan, bunday holatda mankunianliklar rahbariyati mavsumlar oralig'ida murabbiylarni almashtirishga qaror qiladi.

Ayni damda "Manchester Yunayted" Premer-liga turnir jadvalida oltinchi o'rinni egallab turibdi. Eslatib o'tamiz, joriy mavsumda Amorim jamoasi evrokuboklarning hech birida ishtirok etmayapti.