"Barselona" tarbiyalanuvchisi tizzasidagi muammolar tufayli butun 2026 yilni o'tkazib yuboradi

"Los-Anjeles Gelaksi" yarim himoyachisi Riki Puch tizzasidagi jiddiy muammolar tufayli 2026 yilni to'liq o'tkazib yuborishga majbur bo'ladi.

Ispaniyalik futbolchi 2024 yil oxirida chap tizzasining oldingi xochsimon bog'lamidan jarohat olgan - jarohat MLS kubogi yarim final o'yinida sodir bo'lgan. Natijada Puch 2025 yil davomida biror marta ham maydonga tusha olmadi.

Endi esa Kaliforniya klubi 25 yoshli xavbek qayta jarrohlik amaliyotini boshdan kechirganini rasman e'lon qildi. Tibbiyot shtabi taxminlariga ko'ra, futbolchining qaytishi 2027-yilgi mavsum boshlanishidan oldin kutilmayapti.

Eslatib o'tamiz, 2025 yilning kuzida "Barselona" tarbiyalanuvchisi MLSdagi eng qimmat futbolchilar uchligiga kirgan edi.