Fonseka Endrikni "Lion"da qanday rolda ko'rishini aytdi

"Lion" bosh murabbiyi Paulu Fonseka "Real"dan ijaraga olingan hujumchi Endrikni qanday vazifada ko'rayotgani haqida gapirdi.

Avvalroq, murabbiy 19 yoshli braziliyalikning hozircha holati yaxshi emasligini va uning debyuti 11 yanvardan oldin bo'lmasligini ma'lum qilgandi.

"U hujum markazida ham, o'ng qanotda ham harakat qilishi mumkin, ammo birinchi bosqichda men uni aynan hujumchi rolida ko'ryapman," - deya mutaxassisning so'zlarini keltiradi RMC Sport.

11 yanvar kuni "Lion" Frantsiya kubogida "Lill"ga qarshi bahs olib boradi. Endrik frantsuz klubi safida 2025/2026 yilgi mavsum oxirigacha to'p tepadi.