Davron Fayziev: «Arsenal» shunday jamoa-ki, yutqazsa ham chiroyli yutqazadi (videosharh)
/ Kiritdi: BestMaster Ko'rilgan: 654
Soat 4 bo'ldi, yaqin vaqt ichida tong otadi.
Inson qotib uxlaydigan payt. Men esa uyga kelib ham, joyimga yotib ham emotsiyamni bosa olmayapman. Hammasiga «Arsenal» va «Olimpiakos» aybdor. 90 daqiqa taktika bilan qiynab, oxiri yorilishdi. So'nggi 15 daqiqa esa bu mavsumdagi eng yorqin 15 daqiqaliklardan bo'ldi.
Buni jonli ko'rgan ko'rdi. Takror, xaylayts, gollar, bizning yozganimiz, do'stingiz aytib berishi... hech qaysi bir variant jonli efirdagi holatni endi keltirib chiqarmaydi.
Aslida mehmonda yutib kelgan «Arsenal» o'z maydonida «Olimpiakos»ga dars o'tishi kerak edi. Greklar boshqacha fikrda tushishdi. Kerak bo'lsa o'lamiz deb tushishdi.
113-daqiqada Obameyang qaychi uslubida super gol bilan «Arsenal»ni 1/8 ga tortyapti.
119-daqiqada «Olimpiakos» oldinga chiqmoqda!
123-daqiqada Obameyang 3 metrlardan bo'sh darvozaga urolmayapti.
1:2 va «Olimpiakos» qahramonlarcha keyingi bosqichga chiqdi!
«Arsenal» esa shunday jamoa-ki, hatto yutqazsa ham chiroyli yutqazadi.
Evropa ligasi, 1/16 final, javob o'yini
Arsenal Angliya – Olimpiakos Gretsiya 1:2 (0:0, 0:1, 0:0)
Gollar: 0:1 – 53 Sisse, 1:1 – 113 Obameyang, 1:2 – 119 El-Arabiy.
Arsenal – Leno, Mustafi (Papastatopulos, 103), Belerin (Uillok, 84), David Luiz, Sebalos (Torreyra, 72), Djaka, Ozil, Pepe, Lyakazett (Martinelli, 105), Obameyang, Saka.
Olimpiakos – Joze Sa, Elabdellaui, Tsimikas (Lovera, 114), Ba, Sisse, Buxalakis, Kamara, Randjelovich (Masuras, 77), Gilerme (Papadopulos, 117), Valbuena (Brunu Gashpar, 86), El-Arabiy.
Ogohlantirishlar: Ba (20), Kamara (58).
Dastlabki o'yin — 1:0
Bosh sahifaga
280