Farioli "Chelsi" haqidagi mish-mishlarni rad etdi

"Portu" bosh murabbiyi Franchesko Farioli Londonning "Chelsi" klubiga o'tishi mumkinligi haqidagi mish-mishlarga izoh berdi.

"Men "Portu"da qolaman, bu aniq. Bunga hech qanday shubha yo'q va hech qachon bo'lmagan ham. Jarayonning o'rtasida ketish men uchun hech qachon muhokama mavzusi bo'lmagan. Men klubga to'liq sodiqman," - deya Farioli so'zlarini keltiradi jurnalist Fabritsio Romano X ijtimoiy tarmog'idagi sahifasida.

Faroli 2025 yilning yozida Portugaliya klubini qabul qilib olgandi. 36 yoshli mutaxassis bilan shartnoma 2027 yilning 30 iyuniga qadar mo'ljallangan.

Portugaliya chempionatida o'tkazilgan 16 o'yindan so'ng "Portu" ochkolari sonini 46taga etkazib, turnir jadvalida "Sporting"ni 4 ochkoga ortda qoldirgan holda peshqadamlik qilmoqda.