Hech bir bosh murabbiy «Chelsi»da 2007 yildan buyon 1000 kundan ko'proq ishlamagan

2007 yildan buyon «Chelsi» klubining bosh murabbiylari orasida hech kim jamoada 1000 kundan ortiq faoliyat yuritmagan. Bu haqda OneFootball X ijtimoiy tarmog'ida xabar berdi.

2007 yildan so'ng eng uzoq muddat ishlagan murabbiy ham Mourino bo'lib, u jamoaga ikkinchi marotaba 2013–2015 yillarda rahbarlik qilgan va 927 kun klubda faoliyat yuritgan. Shuningdek, top-5 orasida Antonio Konte (741 kun), Karlo Anchelotti (690 kun), Tomas Tuxel (589 kun) va Frenk Lempard (571 kun) bor.

«Chelsi»ning oxirgi murabbiyi Entso Mareska lavozimida 547 kun faoliyat yuritdi. Mareska davrida londonliklar Konferentsiyalar Ligasi va Klublar o'rtasidagi jahon chempionatida g'olib chiqdi.