APL. «Aston Villa» «Nottingem Forest»ni mag'lub etdi va ikkinchi o'ringa ko'tarildi (videosharh)

Angliya Premer-ligasining 20-turidan o'rin olgan uchrashuvda «Aston Villa» va «Nottingem Forest» jamoalari o'zaro maydonga tushishdi. Bahs Birmingemdagi «Villa Park» stadionida bo'lib o'tdi. Uchrashuv 3:1 hisobida «Aston Villa» g'alabasi bilan yakunlandi.

Uchrashuvda hisobni mezbonlar hujumchisi Olli Uotkins birinchi taym so'nggi daqiqasida ochdi. Ikkinchi taymda 49-daqiqada «Aston Villa» yarim himoyachisi Jon Makginn hisobdagi farqni oshirdi. 61-daqiqada Morgan Gibbs-Uayt mehmonlar uchun bir gol urdi. 73-daqiqada Jon Makginn dublga erishdi.

Angliya chempionatida 20 ta o'yindan so'ng «Nottingem Forest» 18 ochko to'plab, turnir jadvalida 17-o'rinda turibdi. «Aston Villa» esa 42 ochko bilan ikkinchi pog'onaga ko'tarildi.

Angliya — Premer-liga. 20-tur
3 yanvar, shanba.
Aston Villa – Nottingem Forest - 3:1
Gollar: 1:0 – Olli Uotkins (45+1'), 2:0 – Jon Makginn (49'), 2:1 – Morgan Gibbs-Uayt (61'), 3:1 – Jon Makginn (73')