"Liverpul" 100 mln evrolik futbolchi transferi uchun "MYu" bilan kurashishi mumkin

"Liverpul" "Manchester Yunayted" va "Tottenxem"ga qo'shilib, "Brayton" yarim himoyachisi Karlos Baleba uchun kurash olib boradi. 22 yoshli futbolchining ehtimoliy transferi manfaatdor klublarga 100 mln evroga tushishi mumkin. Bu haqda Caught Offside xabar bermoqda.

Manbaga ko'ra, joriy qishda bir nechta jamoalar kamerunlik futbolchining transferi bo'yicha so'rov yuborgan, ammo "chaykalar" yanvarda Balebani sotishga tayyor emas. Biroq, "Brayton" kelasi yozda yarim himoyachining ketishini kutmoqda.

Kamerunlik futbolchi 2023 yilning yozidan beri "Brayton"da o'ynamoqda. Bu vaqt ichida u barcha turnirlarda 96 ta o'yinda maydonga tushib, to'rtta gol va ikkita golli uzatmani amalga oshirdi.

Futbolchining klub bilan amaldagi mehnat shartnomasi 2028 yilning yoziga qadar mo'ljallangan.

Transfermarkt portalida keltirilgan ma'lumotlarga ko'ra, futbolchining bozor narxi 60 mln evroni tashkil etadi.