Iraola "Chelsi" bosh murabbiyiga aylanishi haqidagi mish-mishlarga munosabat bildirdi

"Bornmut" bosh murabbiyi Andoni Iraola "Chelsi"ni boshqarishi mumkinligi haqidagi ma'lumotga izoh berdi.

"Men "Bornmut"da juda baxtliman. Meni bunday narsalar bezovta qilmaydi," - deya Iraolaning so'zlarini keltiradi jurnalist Fabritsio Romano X ijtimoiy tarmog'idagi sahifasida.

Ispaniyalik mutaxassis 2023 yilning yozidan buyon "Bornmut"ni boshqarib kelmoqda. Uning klub bilan amaldagi mehnat shartnomasi 2026 yilning yozigacha mo'ljallangan.