Dani Karvaxal "Real" umumiy guruh mashg'ulotlariga qaytdi

Madridning "Real" klubi himoyachisi Dani Karvaxal umumiy guruh mashg'ulotlarida ishlay boshladi. Bu haqda Marca xabar berdi.

Futbolchi oktyabr oyi oxirida o'ng oyog'ining tizza bo'g'imi shikastlangani sababli safdan chiqqan edi. Endi o'yinchi asta-sekin maydonda ishlashga qaytadi va mashg'ulot jarayonida to'laqonli ishtirok etishga yaqinlashadi. Manbaga ko'ra, Karvaxal 7 yanvar kuni start olishi rejalashtirilgan Ispaniya Superkubogigacha tiklanishga ulgurishi mumkin.

Joriy mavsumda Karvaxal sakkizta o'yinda maydonga tushib, gol yoki assist qayd etmagan.