Arteta chempionlik uchun kurashda "Manchester Siti" bilan raqobat haqida fikr bildirdi

Londonning "Arsenal" klubi bosh murabbiyi Mikel Arteta chempionlik uchun kurashda "Manchester Siti" bilan raqobat haqida fikr bildirdi.

"Kanonirlar" Premer-liganing 19-turidan keyin "shaharliklar"ni 4 ochkoga ortda qoldirmoqda. Bugun londonliklar "Bornmut" mehmoni bo'lishadi.

"Bosimni qanday engish mumkin? Shunchaki o'yinlarda g'alaba qozonish kerak. Yanada ko'proq ochko to'plash, yanada ko'proq g'alaba qozonish kerak. Bu o'z maqsadiga erishishning yagona yo'li.

O'tmishdan saboq chiqara bilish juda muhim. Bu "Bornmut" bilan avvalgi o'yinlarimizga ham tegishli. O'zimizni eng yaxshi tarzda ko'rsatib, g'alaba qozonish muhim, raqiblarning natijalari esa bizga bog'liq emas," - deya "Manchester Siti" bilan raqobat borasidagi savolga javob berdi Arteta.

Xosep Gvardiola jamoasi o'z o'yinini bir kun keyin o'tkazadi - raqib "Chelsi" bo'ladi.