Roberto De Dzerbi Frantsiya Superkubogi o'yini Quvaytda o'tkazilishidan norozi

"Marsel" bosh murabbiyi Roberto De Dzerbi Frantsiya Superkubogi doirasidagi "PSJ"ga qarshi o'yinning Kuvaytga ko'chirilganini tanqid qildi.

"Mening fikrim o'sha-o'sha. U meniki va bu eng to'g'ri degani emas: Frantsiya Superkubogi, xuddi Italiya yoki Ispaniya Superkubogi kabi, o'z vatanida, o'z muxlislari oldida o'tkazilishi kerak.

Men Kuvaytga boraman, chunki bu mening ishim va biz bu o'yinda ishtirok etayotganimizdan faxrlanamiz. Bizni juda yaxshi kutib olayotgan Kuvaytga hech qanday qarshiligim yo'q, ammo bu g'oyaga qarshiman," - deya De Dzerbining so'zlarini keltiradi Tuttosport.

Futbol bo'yicha Frantsiya Superkubogi doirasidagi "Marsel" - "PSJ" bahsi 8 yanvar, payshanba kuni bo'lib o'tadi. O'yin Kuvaytdagi "Jobir al-Ahmad" stadionida bo'lib o'tadi.