Rasman. «Tottenxem» vingeri Manor Solomon ijara asosida «Fiorentina»ga o'tdi

«Tottenxem» rasmiy saytida qanot hujumchisi Manor Solomonni «Vilyarreal»dagi ijaradan qaytarib olganini e'lon qildi. Isroillik futbolchi joriy mavsum oxirigacha ijara asosida «Fiorentina» safida to'p suradi.

2025/2026 yillar mavsumining birinchi yarmida Solomon «Vilyarreal» tarkibida 11 ta uchrashuvda maydonga tushib, 1 ta gol urgan.

Hujumchi 2023 yil yozida London klubiga erkin agent sifatida qo'shilgan. Shu vaqt ichida Solomon 6 ta o'yinda ishtirok etib, 2 ta golli uzatmaga mualliflik qilgan. Futbolchining «Tottenxem» bilan amaldagi shartnomasi 2026 yil yoziga qadar amal qiladi.