Rodrigo qishda «Real»ni tark etishni istamoqda va ikki top-klub bilan muzokaralar olib bormoqda

«Real»ning qanot hujumchisi Rodrigo Goes joriy qishda klubni tark etish niyatida. Ayni paytda braziliyalik vinger ikki top-klub bilan muzokaralar olib bormoqda. Bu haqda Sport.es xabar bermoqda.

Manba ma'lumotlariga ko'ra, «Arsenal» va «Manchester Siti» Rodrigoga asosiy da'vogarlar hisoblanadi. Shu bilan birga, «Liverpul» ham futbolchini o'z safiga qo'shish uchun kurashga qo'shilishi mumkinligi istisno etilmayapti. Ta'kidlanishicha, hujumchining «Real»dan transferi mazkur klublarga taxminan 100 mln evroga tushishi mumkin.

Joriy mavsumda Rodrigo barcha musobaqalarda 21 ta uchrashuvda ishtirok etib, 2 ta gol va 4 ta golli uzatmaga mualliflik qilgan. Futbolchining klub bilan amaldagi shartnomasi 2028 yil yoziga qadar amal qiladi. Transfermarkt portali ma'lumotlariga ko'ra, uning bozor qiymati 60 mln evroni tashkil etadi.