"Real" Angliya terma jamoasi himoyachisi bilan aloqa o'rnatdi

"Kristal Pelas" markaziy himoyachisi Mark Gexi hamon Madridning "Real" klubiga o'tishi mumkin.

Diario AS xabariga ko'ra, "qaymoqranglilar" 25 yoshli Gexining atrofidagilar bilan aloqaga chiqqan. Ta'kidlanishicha, himoyachining o'zi kelasi yozda "burgutlar" bilan shartnomasi yakunlangach, "Real"ga o'tishni ma'qul ko'rmoqda. Shuningdek, Gexining xizmatlariga hamon "Liverpul" qiziqish bildirmoqda.

Joriy mavsumda Gexi barcha musobaqalarni inobatga olgan holda 28ta o'yin o'tkazdi. Bu oraliqda himoyachi uchta gol urdi va to'rtta assist muallifiga aylandi.

Gexining "Kristal Pelas" bilan amaldagi shartnomasi 2026 yilning iyunigacha mo'ljallangan.