Gvardiola: «U 45 daqiqa ichida maydonda kim zo'r ekanligini ko'rsatib qo'ydi»

"Manchester Siti" bosh murabbiyi Xosep Gvardiola yarim himoyachi Rodrining o'yini haqida gapirdi.

Ispaniyalik futbolchi jarohatidan tuzalib, so'nggi ikki oy ichida ilk bor maydonga tushdi va "Sanderlend"ga qarshi o'yinning tanaffusida Niko Gonsalesni almashtirdi. Uchrashuvda hisob ochilmadi.

"Rodri o'yinni o'zgartirdi. 45 daqiqa ichida u eng yaxshi bo'lib qolayotganini isbotladi. Birinchi bo'limda muammolarga duch keldik, ammo Rodri bilan hammasi osonlashdi: chiziqlar orqali ko'proq uzatmalar bilan harakat yaxshilandi. Bir yarim yildan beri u bizga juda kerak edi, u jarohatlardan aziyat chekmoqda. Umid qilamanki, endi u eng yaxshi holatiga qaytadi - u bilan biz jamoa sifatida ancha kuchlimiz," - dedi Gvardiola intervyusida.

Yakshanba kuni "shaharliklar" o'z maydonida "Chelsi"ga qarshi bahs olib boradi.