Modrich: «Allegri qandaydir jihatlari bilan Anchelottiga o'xshaydi»

«Milan» yarim himoyachisi Luka Modrich jamoa bosh murabbiyi Massimiliano Allegri bilan munosabatlari haqida so'zlab berdi.

«Allegrida ajoyib xarakter bor. U Anchelottiga bir oz o'xshaydi — hissiyotli, quvnoq va hazil qilishni yaxshi ko'radi. Ammo maydonda, murabbiy sifatida u haqiqiy ustoz. Futbolni kam sonli mutaxassislardek chuqur tushunadi. Ilgari u bilan unchalik yaqin tanish emas edim, lekin hozir uning mening murabbiyim ekanidan xursandman.

Anchelotti haqida gapirsam? Karlo — birinchi raqamli murabbiy, buni so'z bilan ifodalash qiyin. Faqat zaxira o'rindig'idagi sifatlari emas, balki o'zini tutishi bilan ham ajralib turadi. Biz «Real»da birga bo'lgan paytlarimizda «Milan» va shahar haqida ko'p gaplashganmiz. Bu joy u uchun ham alohida ahamiyatga ega edi.

Birinchi tanishganimiz yodimda. Men shaharda yolg'iz edim, u qo'ng'iroq qilib, birga kechki ovqatlanishni taklif qildi. Biz soatlab turli mavzularda suhbatlashdik — futbol, oila, hayot haqida. Odatda murabbiylar o'z futbolchilariga unchalik ishonmaydi. Ammo u ishonadi», — deya Modrichning so'zlarini Corriere della Sera nashri keltiradi.