Serxio Ramos «Sevilya»ni sotib olmoqchi

"Real" klubi va Ispaniya terma jamoasining sobiq himoyachisi Serxio Ramos "Sevilya" aktsiyalarini sotib olishga tayyor bo'lgan investorlar guruhiga qo'shildi.

COPE xabariga ko'ra, ispan klubining Amerika fondi bilan muzokaralari barbod bo'lgan, bu esa qog'ozlar narxining pasayishiga olib kelgan.

Manbaga ko'ra, Ramos allaqachon aktsiyadorlarga klubni sotib olish bo'yicha rasmiy taklif bilan chiqqan va unga loyihani boshqarishni ishonib topshirgan yirik sarmoyaviy guruh qo'llab-quvvatlagan.

Ta'kidlanishicha, u taklif qilgan mablag' asosiy aktsiyadorlarga berilgan mablag'lar ichida eng kattasi bo'lib, hajmi bo'yicha oldingi barcha takliflardan ustun turadi.

Ramos "Sevilya" tarbiyalanuvchisi hisoblanadi. U 2004 yildan 2005 yilgacha, shuningdek, 2023 yildan 2024 yilgacha klubda o'ynagan.