Fabritsio Romano «Tottenxem» hujumchisining keyingi jamoasi nomini aytdi

"Tottenxem" hujumchi Brennan Jonsonni "Kristal Pelas"ga transfer qilishga kelishib oldi, deya xabar bermoqda insayder Fabritsio Romano.

Tomonlar bitimning yakuniy tafsilotlarini muhokama qilishmoqda. "Shporlar" futbolchiga yangi klubi bilan shartnoma bo'yicha muzokaralar olib borishga ruxsat berishdi.

Jonson 2023 yilda 55 million evro evaziga "Nottingem Forest"dan "Tottenxem"ga o'tgandi. 24 yoshli uelslik futbolchi 2025/26 yilgi mavsumda 22 ta o'yinda maydonga tushib, 4 ta gol urgan. U "shporlar" safida jami 106 ta o'yin o'tkazib, 27 ta gol urgan va 18 ta golli uzatmani amalga oshirgan.