Entso Mareska — APL tarixida Yangi yilning birinchi kunida ishdan bo'shatilgan ilk murabbiy

«Chelsi»ning sobiq bosh murabbiyi Entso Mareska Angliya Premer-ligasi tarixida (1992 yildan beri) Yangi yilning birinchi kunida lavozimidan ozod etilgan ilk murabbiyga aylandi. Bu haqda Opta ijtimoiy tarmoq X orqali xabar berdi.

Bugun, 1 yanvar kuni «ko'klar» italiyalik mutaxassis bilan hamkorlik to'xtatilganini rasman e'lon qildi. Mareska bungacha «Lester», «Parma» va «Manchester Siti» klublarida faoliyat olib borgan. Ilgari «Chelsi» rahbariyati Mareskaga yaqin orada o'rinbosar topishni rejalashtirayotgani haqida xabarlar tarqalgan edi.

Joriy mavsumda APLda o'tkazilgan 19 ta uchrashuvdan so'ng londonliklar 30 ochko jamg'arib, turnir jadvalida beshinchi o'rinni egallab turibdi. «Chelsi» peshqadam «Arsenal»dan 15 ochko ortda qolmoqda.