«Bavariya» futbolchisi Flikka «Barsa»da o'ynashga tayyorligini ma'lum qildi

Myunxenning "Bavariya" klubi markaziy yarim himoyachisi Leon Goretska faoliyatini "Barselona"da davom ettirishi mumkin.

Bild nashri xabariga ko'ra, 30 yoshli germaniyalik futbolchi kataloniyaliklar bosh murabbiyi Xans-Diter Flikka kelasi yozda tekinga jamoaga o'tishga tayyor ekanligini ma'lum qilgan.

Goretskaning nemis grandi bilan shartnomasi 2026 yil yozigacha mo'ljallangan. U joriy mavsumda jami 23 ta o'yinda 1 ta gol urdi. Transfermarkt portali Leonni hozirda 15 million evroga baholamoqda.