«Tottenxem» ispaniyalik hujumchi uchun 100 million evroga yaqin mablag' sarflamoqchi

"Portu" markaziy hujumchisi Samu Agexova "Tottenxem"ga o'tishi mumkin.

Fichajes nashri tarqatgan xabarga ko'ra "shporlar" allaqachon 21 yoshli ispaniyalik futbolchining transferi bo'yicha "Portu"ga 99 million evro atrofida taklif bilan chiqqan. Hozirda londonliklar portugallardan javob kutmoqda. Joriy mavsumda Agexova barcha musobaqalarda 23 ta uchrashuvda 16 ta gol urdi.

O'tgan mavsumda forvard 27 marta raqib darvozasini ishg'ol qilib, Portugaliyaning eng sermahsul futbolchilaridan biriga aylandi.

Ispaniyalik futbolchining "Portu" bilan shartnomasi 2029 yilgacha mo'ljallangan. Transfermarkt portali ma'lumotlariga ko'ra, hujumchining bozor narxi 50 million evroni tashkil etadi.