Gabriel Jezus "Aston Villa" ustidan qozonilgan g'alabaga munosabat bildirdi

Londonning "Arsenal" klubi safida to'p tepayotgan braziliyalik forvard Gabriel Jezus APLning 19-turidan o'rin olgan Birmingemning "Aston Villa" (4:1) klubiga qarshi o'yindan so'ng o'z fikrlarini bildirib o'tdi.

"Aqlbovar qilmas o'yin bo'ldi. Bu raqibga qarshi o'ynash juda qiyin. "Aston Villa" muammolar keltirishni biladi. Birinchi bo'limda ular o'yinni cho'zishga harakat qilishdi. Ammo jamoamizning mentaliteti o'sib bormoqda, biz kundan-kunga kuchayib bormoqdamiz. Shu tufayli "Arsenal" g'alaba qozonishda davom etmoqda," - deya braziliyalikning so'zlarini keltiradi VVS.

Mikel Arteta shogirdlari 45 ochko jamg'arib, Premer-liga turnir jadvalida yakka peshqadamlik qilmoqda.