Arteta «Arsenal» yarim himoyachisi o'yinini e'tirof etdi

Angliya Premer-ligasining 19-turida Londonning "Arsenal" klubi o'z maydonida Birmingemning "Aston Villa" klubini qabul qilib, yirik 4:1 hisobida g'alaba qozondi.

Uchrashuv yakunlangach, "kanonirlar" ustozi Mikel Arteta ispaniyalik yarim himoyachi Martin Subimendining o'yiniga baho berdi.

"Martin maydonda juda muhim bo'lgan pozitsiyani yopmoqda. Uning o'yini alohida bahoga loyiq. Bugungi uchrashuvda u o'zi yaxshi biladigan ishni qildi," - deya mutaxassisning so'zlarini keltiradi London top-klubi matbuot xizmati.

Kechagi g'alabadan so'ng "kanonirlar" ochkolarini 45 taga etkazib oldi. Mikel Arteta shogirdlari eng yaqin ta'qibchisini 5 ochkoga ortda qoldirib, APL turnir jadvalida peshqadamlik qilmoqda.