"Arsenal"ning 2025 yildagi eng yaxshi to'purari va assistenti bitta futbolchi bo'ldi

Londonning "Arsenal" klubi vingeri Leandro Trossard 2025 yilda Premer-ligada jamoaning eng yaxshi to'purari va assistenti bo'ldi.

Seshanba kuni belgiyalik futbolchi "kanonirlar"ga "Aston Villa"ni yirik hisobda mag'lub etishga yordam berdi (4:1): 69-daqiqada uning o'zi gol urgan bo'lsa, 78-daqiqada Gabriel Jezusga assistentlik qildi. Shu tariqa, Trossard Angliya chempionatining 2025 yil yakunlari bo'yicha "Arsenal"ning eng yaxshi to'purarlari (10) va assistentlari (9) reytingida etakchilikni qo'lga kiritdi, deb yozadi Squawka. Gollar va samarali paslar soni bo'yicha ikkinchi o'rinni mos ravishda Mikel Merino (9) va Martin Edegor (8) egalladi.

Mikel Arteta jamoasi 19-turdan keyin 45 ochko jamg'argan holda yilni APL turnir jadvalida peshqadam sifatida yakunlamoqda.