Akmal Shorahmedov: «Superligada o'ynaladigan to'p menga yoqdi»

Superliganing yangi mavsumidan e'tiboran jamoalar "Puma" brendi ostidagi to'plardan foydalanishadi.

Mazkur brend ostidagi o'zgacha dizayndagi to'pda ilk mashg'ulotni o'tkazgan AGMK a'zolariga bu koptok iliq taassurot qoldirdi. Xususan, jamoa sardori, o'ng qanot himoyachimiz Akmal Shorahmedov bu to'pga shunday ta'rif berdi:

"Juda qulay, yumshoq va har taraflama o'ynashga moslashgan yoqimli to'p. To'pni qabul qilish, uzatmani amalga oshirish yoki bosh bilan o'ynashda ham engillik his qildim. Qisqa qilib aytganda, futbolchi sifatida mazkur ish anjomi menga yoqdi. Rosti, avvalgi mavsumlarda foydalanilgan to'plari nisbatan qattiq, bosh bilan o'ynaganda noqulay edi. Shaxsan menga koptok yoqdi", — deya Akmal Shorahmedov "Puma" to'plarini sifati va qulayligini e'tirof etdi.