Immobile shamollash tufayli «Latsio» mashg'ulotida ishtirok etmayapti

Italiya A seriyasining ushbu mavsumida to'purar bo'lib turgan Chiro Immobile kasal bo'lib qolgani tufayli «Latsio» mashg'ulotida ishtirok etmayapti. 30 yoshli futbolchi isitmasi ko'tarilayotgani uchun jamoasining kechagi mashg'ulotida qatnashmadi.

Rimliklar bosh murabbiyi Simone Indzagi hujumchining shanba kuni «Bolonya»ga qarshi bo'ladigan o'yingacha safga qaytishiga umid qilmoqda.

Immobile Italiya chempionatining ushbu mavsumida 25ta o'yinda maydonga tushib, 27ta gol urdi.

Eslatib o'tamiz, shu kunlarda Italiyada koronavirusning tarqalishi kuzatilmoqda. Shu paytgacha 374 nafar inson virus bilan kasallanib, 7 nafar fuqaro hayotdan ko'z yumdi.