Venger «safardagi gol» qoidasini bekor qilishni taklif qilmoqda

«Arsenal» klubi sobiq bosh murabbiyi Arsen Venger evrokuboklarning pley-off bosqichida safardagi gol qoidasini bekor qilishni taklif qilmoqda. Hozirda frantsiyalik mutaxassis FIFAning futbolni global rivojlantirish bo'lishi boshlig'i lavozimida ishlamoqda.

«O'z uyida harakat qiladigan jamoa "har qanday o'tkazib yuboriladigan gol — musobaqada chiqib ketishning yarmi", degan xayol bilan o'ynamoqda. Go'yoki mehmon jamoadan o'tkazib yuborilgan gol birinchi o'yinni o'z uyida o'tkazadigan jamoaga katta xalal berayotgandek. Bu esa hujum qilish bilan birgalikda o'z darvozasi daxlsizligini saqlab qolish haqida ham o'ylashga majbur qiladi.

Anchadan beri bu qoidani bekor qilishni taklif qilib kelyapman. Faqat qo'shimcha bo'limlarda bu qoidani qoldirish mumkin. Chunki zamonaviy futbolda safarda urilgan gol qadri haddan tashqari yuqori. Hozir bu qoida o'z qadrini yo'qotgan. Bu qoida hali televidenie yaxshi rivojlanmagan, maydonlar yomon paytda joriy qilingan edi», – dedi Venger.

Eslatib o'tamiz, "safardagi gol" qoidasi ilk marta 1965/1966 yilgi mavsumda UEFA kubok egalari kubogi musobaqasida amalga kiritilgan.