Voltemade "Bavariya"ga amalga oshmay qolgan transferini esladi

"Nyukasl" hujumchisi Nik Voltemade "Bavariya"ga amalga oshmay qolgan transferini esladi.

Myunxen grandi futbolchini o'tgan yozda "Shtutgart"da o'ynaganida sotib olishga uringan edi. Klublar kelisha olmadilar va keyinroq "hakkalar" ancha foydali taklif qilishdi, "shvablar" uni qabul qilishdi.

"Bavariya"ga o'tish amalga oshmasligi ma'lum bo'lgach, o'zimga shunday dedim: "Mayli, shunday bo'la qolsin". Hayotda hamma narsa shunchaki sodir bo'lmaydi va mening "Bavariya"ga muvaffaqiyatsiz o'tishim buning ajoyib tasdig'idir. Hozir "Nyukasl"da baxtliman, aslida esa bunday bo'lmasligi ham mumkin edi. Ortga nazar tashlar ekanman, hammasi aynan shunday bo'lganidan xursandman", - dedi Voltemade.

23 yoshli germaniyalik futbolchi "Nyukasl" safida 22 ta uchrashuvda 7 ta gol urgan.