Enrike: "PSJ"ning maqsadi bir xil - g'alaba qozonishda davom etish"

"PSJ" bosh murabbiyi Luis Enrike "Flamengo"ga (1:1, pen. - 2:1) qit'alararo kubok finali haqida gapirdi.

"To'g'risini aytsam, "Flamengo"ga qarshi juda yaxshi o'yinni ko'rdik. Juda qiyin bo'ldi, ammo o'yin sifati va futbolchilarning mentaliteti yuqori darajada edi va bu ruhni ko'rish juda yoqimli edi. Birinchi bo'limni juda yaxshi o'tkazdik, o'yinni yaxshi nazorat qildik, pressing qila oldik, ammo penaltidan keyin o'yin yanada muvozanatli va murakkablashdi. "Flamengo"ni nafaqat bugungi o'yin bilan, balki mavsum bilan ham tabriklashim kerak.

Oltita sovrin yomon emas (jilmayadi). Dohaga qaytish biz uchun har doim alohida voqea. Biz har safar bu erda bo'lganimizda baxtli bo'lamiz. Bu g'alaba kelasi yili futbolkamizda yana bitta nishon bo'lishini anglatadi. O'tgan mavsumdagi kabi kayfiyatni yana bir bor namoyish etdik. Ta'tilga 1 ta Frantsiya kubogi o'yini qoldi. Shundan keyin ham maqsadimiz o'sha-o'sha - g'alaba qozonishda davom etish va eng yaxshi futbolimizni namoyish etish", - deya Enrikening so'zlarini keltiradi Canal Supporters.