Upamekano "Bavariya" bilan yangi shartnomasida tovon puli bandini kiritmoqchi

Frantsiyalik himoyachi Dayo Upamekano va Myunxenning "Bavariya" klubi o'rtasida hamkorlikni uzaytirish bo'yicha muzokaralar bo'layotgani haqida yangi ma'lumotlar paydo bo'ldi.

Jurnalist Filipp Kesslerning ta'kidlashicha, Upamekanoning agentlari yangi shartnomaga 2028 yilda kuchga kirishi kerak bo'lgan 65 million evro miqdoridagi tovon puli bandini kiritmoqchi. Shuningdek, himoyachi yangi shartnoma imzolagani uchun katta bonus olishni istamoqda, bu haqda avval xabar berilgandi. Futbolchining ko'plab talablariga qaramay, "Bavariya" optimizmni saqlab turibdi va frantsuz bilan kelishuvga erisha olishiga ishonmoqda.

27 yoshli Upamekanoning "Bavariya" bilan amaldagi shartnomasi kelasi yozda o'z nihoyasiga etadi. Futbolchiga Madridning "Real" klubi faol qiziqish bildirmoqda.