Andre Gomesh: «Odamlarning qo'llab-quvvatlashi tiklanishimga yordam berdi»

"Everton" yarim himoyachisi Andre Gomesh jiddiy jarohatdan tuzalib, maydonga qaytishi haqida gapirdi.

Yakshanba kuni "Arsenal" bilan o'yinda (2:3), yarim himoyachi ikkinchi bo'limda Morgan Shneyderlinning o'rnini egalladi.

"Barchaga minnatdorchilik bildirishim kerak. Jamoamiz ajoyib o'yin ko'rsatdi. Odamlarning qo'llab-quvvatlashini his qilganimda, o'zimga ishonch hosil qildim. Men maksimal darajada harakat qildim, imkon qadar tezroq qaytishni xohladim. Atrofdagilar yordam berganidan xursandman ”, - dedi Gomesh Sky Sports nashriga.