"Chelsi" va "Manchester Siti" "Bavariya"ning 16 yoshli iqtidori uchun kurash olib bormoqda

"Chelsi" va "Manchester Siti" Myunxenning "Bavariya" klubining 16 yoshli umidli himoyachisi Kassiano Kiliani o'z safiga qo'shib olish uchun faol kurash boshladi.

Mirror xabariga ko'ra, futbolchining vakillari o'tgan juma kuni APLning har ikki klubi bilan muzokara o'tkazgan.

Premer-liga klublari 18 yoshga to'lmaguncha Buyuk Britaniyadan tashqaridagi futbolchilarni o'z safiga qo'shib olish huquqiga ega emas. Hozircha ingliz jamoalari raqobatchilardan o'zib ketish uchun bo'lajak kelishuv shartlarini kelishib olishlari mumkin xolos.

Eslatib o'tamiz, Kassiano joriy mavsum 11ta o'yinda maydonga tushdi va 1ta gol urdi.