Martda o'tkaziladigan Meksika-Portugaliya o'yiniga 87 mingta chiptaning barchasi sotilib ketdi

Meksika va Portugaliya terma jamoalari o'rtasida 2026 yil 28 mart kuni Mexikoda bo'lib o'tadigan o'rtoqlik uchrashuvi uchun barcha chiptalar muxlislar tomonidan oldindan sotib olindi.

Uchrashuv 87 523 tomoshabin sig'dira oladigan mashhur «Atsteka» stadionida o'tkaziladi. , Portugaliya terma jamoasi ushbu o'yinga barcha etakchi futbolchilarini, jumladan, hujumchi Krishtianu Ronalduni ham olib kelishi kutilmoqda. Meksikalik muxlislar aynan Ronalduni jonli ravishda ko'rishni eng ko'p istashmoqda.

Shuningdek, jahon chempionatiga tayyorgarlik doirasida Portugaliya terma jamoasi Belgiyaga qarshi ham o'yin o'tkazadi — bu bahs 31 mart kuni AQShning Chikago shahrida bo'lib o'tadi. JCh-2026ning guruh bosqichida esa Portugaliya Kolumbiya, O'zbekiston hamda qit'alararo pley-off g'olibi (DR Kongo, Yamayka yoki Yangi Kaledoniya) bilan bahs olib boradi.