Dzyudo. Davlat Bobonov Katta dubulg'a turnirining chempioni!

Germaniyaning Dyusselfdorf shahrida dzyudo bo'yicha Katta dubulg'a turniri o'z yakuniga etib bormoqda. Xabar berganimizdek, og'ir vaznli polvonlar bahsida ikki nafar vakilimiz musobaqa finaliga yo'l olgan edi.

Biroz avval -90 kilogramm vazn toifasida hamyurtimiz Davlat Bobonov final bahsida ishtirok etdi. Navoiylik polvonimizning ukrainalik Kuedjau Nxubaliga qarshi bahsi 1 daqiqaga ham bormadi. Ikkita vazari bahosi Bobonovga musobaqaning oltin medalini hadya qildi. Yana bir jihati Nxubali bilan o'zaro hisob-kitob 1:1 ko'rinishiga keldi.

Bu Bobonovning faoliyatida Katta dubulg'a turnirlaridagi dastlabki g'alabasi bo'ldi va dzyudochimiz Tokio Olimpiadasi reytingi uchun 1000 reyting ochkosini qo'shib qo'ymoqda.