Rafinya: "Sabr katta ahamiyat kasb etdi"

"Barselona" vingeri Rafinya Dias La Liga doirasidagi "Osasuna"ga (2:0) qarshi o'yindan so'ng jurnalistlar bilan suhbatlashdi.

Braziliyalik futbolchi 70-daqiqada hisobni ochgan bo'lsa, 86-daqiqada ikkinchi to'p bilan "ko'k-anorranglilar"ning g'alabasini ta'minladi.

"G'alabalar jamoamizga ishonch bag'ishlaydi, shuning uchun g'alaba qozonishda davom etish juda muhim. Hozir hammasi yaxshi ketyapti. Eng muhimi, o'zingizga e'tibor qarating.

"Osasuna" yaxshi himoyalandi, ammo o'yinni sifatli o'tkazdik. Birinchi golni urish juda qiyin bo'lishini bilardik, ammo sabr katta ahamiyat kasb etdi" - deya Rafinyaning so'zlarini keltiradi Barca Universal.